იურიდიული კომპანია FLS-ის დამფუძნებელი პარტნიორი, ლაშა ცერცვაძე ბიზნეს დილის გადაცემას -“საქმიანი დილა” ესტუმრა
რუბრიკის თემას წარმოადგენდა “მეწარმეთა შესახებ” კანონის პროექტი, კერძოდ, მასში შესული ცვლილებები, სიახლეები, ასევე ის ,თუ რას უნდა მიაქციონ ყურადღება პარტნიორებმა კომპანიის დაფუძნებისას. ლაშა ცერცვაძემ საუბრისას აღნიშნა, რომ რაიმე განსაკუთრებული გართულებები აღნიშნული კანონპროექტიდან გამომდინარე ბიზნეს სექტორს არ წარმოეშობა, ვინაიდან რაიმე სახის მკვეთრი ცვლილებები, რომლებსაც შეუძლია შეანელოს მაგალითად რეგისტრაციის პროცესები თუ სხვა, სახეზე არაა.
ლაშა ცერცვაძემ ყურადღება გაამახვილა ისეთ მნიშვნელოვან ცვლილებაზეც, როგორიცაა სააქციო საზოგადოებისათვის მოთხოვნა მინიმალური საწესდებო კაპიტალის შესახებ და აღნიშნული ცვლილება დადებით მოვლენად შეაფასა. გარდა ამისა, გადაცემის დროს საუბარი შეეხებოდა ახალი კანონპროექტის ფარგლებში იურისტის როლის ზრდას კომპანიების ყოველდღიურ საქმიანობაში.
გადაცემის სრულად ნახვა შეგიძლიათ მითითებულ ლინკზე: https://www.facebook.com/www.bm.ge/videos/678399009713166