იურიდიული კომპანია FLS-ის დამფუძნებელი პარტნიორი, ლაშა ცერცვაძე “მეწარმეთა შესახებ” საქართველოს კანონპროექტის საფუძველზე შექმნილი სალექციო კურსის თანაავტორია
იურიდიული კომპანია FLS-ის დამფუძნებელი პარტნიორი, ლაშა ცერცვაძე “მეწარმეთა შესახებ” საქართველოს კანონპროექტის საფუძველზე შექმნილი სალექციო კურსის თანაავტორია
“მეწარმეთა შესახებ” კანონის პროექტზე მუშაობა ხანგრძლივი პერიოდის განმავლობაში მიმდინარეობდა. აღნიშნულ პროცესში ჩართულნი იყვნენ როგორც ადგილობრივი, ისე საერთაშორისო ექპერტები, რომლებმაც გადაწყვიტეს შეექმნათ სალექციო კურსი. ეს უკანასკნელი სრულად ფარავს კანონპროექტით მოწესრიგებულ დებულებებს. გარდა ამისა, მასში ყურადღება გამახვილებულია საკორპორაციო სამართლის საერთაშორისოდ აღიარებულ პრინციპებზე.
ახალი კანონპროექტის საფუძველზე შექმნილი სალექციო კურსი როგორც სტუდენტებს,ასევე ლექტორებს და ნებისმიერ დაინტერესებულ პირს, გაუმარტივებს შემოთავაზებული სიახლეების გაგებას. სილაბუსს ექვსი ავტორი ჰყავს, მათ შორისაა იურიდიულიკომპანია FLS-ის დამფუძნებელი პარტნიორი ლაშა ცერცვაძე. თითოეული ლექცია მოიცავს პრეზენტაციებს, შესაბამის განმარტებებს, გამოყენებულ ლიტერატურისა და მასალების ჩამონათვალს.
“საქართველოში აკრედიტირებულ სხვადასხვა უნივერსიტეტში, სამეწარმეო სამართლის სწავლების შვიდწლიან გამოცდილებაზე დაყრდნობით შემიძლია ვთქვა, რომ არ არსებობს სამეწარმეო სამართლის სალექციო კურსი, რომელიც სამეწარმეო სამართალში გატარებული რეფორმის შედგებს ითვალისწინებს.ამასთან, ხაზი უნდა გაესვას იმ გარემოებას, რომ GIZის პროექტის ფარგლებში გამოიცა როგორც უცხოენოვანი გამოცემების თარგმნები, ისე ადგილობრივი ავტორების მიერ შექმნილი საკორპორაციო სამართლის არა ერთი სახელმძღვანელო. გადაჭარბებული არ იქნება, თუ აღვნიშნავ, რომ აქამდე მსგავსი სახის ლიტერატურა, რომელიც ეყრდნობა სასამართლო პრაქტიკას და სამეწარმეო სამართლის თანამედროვე წყაროებს, ხელმისაწვდომი არ ყოფილა არც სტუდენტებისთვის, არც ადვოკატებისთვის, არც მოსამართლეებისა და არც სხვა პრაქტიკოსი იურისტებისთვის. მხოლოდ ამ წყაროების გაცნობაც კი საკმარისი იქნება, რომ სამეწარმეო სამართლის სრულყოფილად შესწავლას ჩაეყაროს საფუძველი “- აღნიშნავს ლაშა ცერცვაძე.